Һөтлө ризыҡтарҙы алыу ябайлаша

Хәҙер "һөт кухнялары" яңы ҡағиҙәләр буйынса эшләй.

Нимә ул "Һөт кухняһы"?

Республикала Радий Хәбиров башланғысы менән "Һөт кухняһы" программаһы тергеҙелгәйне. Был дәүләт предприятиеһы кефир, эремсек һәм башҡа файҙалы һөт продукттары етештереп, уларҙы мохтаждарға тарата.Заманса цехтар Өфөлә, Стәрлтетамаҡта, Белоретта, Нефтекамала, Октябрьскиҙа һәм Сибайҙа эшләй. Тиҙҙән Юғары Ҡыйғыла етенсе производство асыласаҡ. Балаларҙы тәбиғи һөт проукцияһы менән тәьмин итеү буйынса бындай киң күләмле программа Рәсәйҙең башҡа бер генә төбәгендә лә юҡ тиерлек.

Быға кемдәрҙең хоҡуғы бар?

Бушлай һөт ризыҡтарын "аҙ килемле"ләр категорияһына ҡараған йөклө ҡатындар, һәм өс йәшкә тиклемге балалар ала ала. йәғни, уларҙың рәсми килеме йәшәү минимумынан түбән (әле ул айына һәр кешегә 10 мең һум тирәһе) булһа. "Һөт кухняһы"на килеүселәр өсөн табиптар һәм туҡланыу буйынса белгестәр һөт, кефир, йогурт, эремсек, ҡоро ҡатышмалар, ҡоро бутҡалар, махсуслаштырылған һөт продукттары ингән биш рацион вариантын эшләнеләр. Бөтә һөттө урындағы етештереүселәрҙән һатып алалар. Әгәр ҙә һеҙ был талаптарға эләкмәйһегеҙ, ә сифатлы һөт һәм йогурт теләйһегеҙ икән, уларҙы һатып алырға ла була. Продукция асыҡ һатыуҙа бар.

Ҡайҙа мөрәжәғәт итергә һәм ниндәй документтар кәрәк?

Документтарҙың дөйөм исемлеге түбәндәгесә:

* паспорт (балалар өсөн - тыуыу тураһында таныҡлыҡ) - төп нөсхәһе һәм барлыҡ биттәрҙең күсермәсе;

* йәшәү йә иһә тороу урыны буйынса теркәү тураһындағы белешмә. Һеҙ Башҡортостан биләмәһендә теркәлгән булырға тейеш. Белешмәне паспорт өҫтәлендә, ә ауыл ерендә ауыл хакимиәтендә алырға мөмкин. Уның ғәмәлдә булыу ваҡыты - күрһәтеү датаһына тиклем 30 көндән дә артыҡ түгел. Иғтибар! Ғаиләгеҙҙең аҙ килемле булыуы тураһындағы белешмәне хәҙер табипҡа ғына килтерергә кәрәк! Өҫтәмә документтар: йөклө ҡатындар өсөн - табип-гинекологтан ҡатын-ҡыҙҙың иҫәптә тороуы тураһындағы белешмә. Был белешмәне күрһәтер алдынан һеҙгә өс айҙан да һуңға ҡалмайынса бирергә тейештәр. Туҡландырыусы әсәләр өсөн - табип-педиатрҙан (фельдшерҙан) баланы күкрәк һөтө йә иһә ҡатнаш туҡландырыу фактын раҫлаусы белешмә, күрһәтелгән көнгә тиклем өс айҙан да һуңламай бирелергә тейеш. Өс йәшкә тиклемге балалар өсөн - табиптан балаға махсуслаштырылған аҙыҡ-түлек продукттары алырға кәрәк тигән белешмә. Балалар өсөн бер йылға тиклем ашатыу характерын күрһәтергә кәрәк. Белешмә күрһәтеү датаһына тиклем алты айҙан да һуңға ҡалмайынса бирелергә тейеш. Үҙегеҙҙең ата-әсә булыуҙы раҫлаусы документтар (паспорт, атайлыҡты билдәләү тураһында таныҡлыҡ - күсермәләре һәм нөсхәһе).

Документтарҙы һөтлө ризыҡтар биреү нөктәләренең ҡайһыһына тапшырһаң да була. Башҡортостан буйынса улар барлығы 97. Шуларҙың 26-һы тулы эш аҙнаһы эшләй, унда предприятие продукцияһын алырға ғына түгел, һатып алырға ла мөмкин.

Тағы бер мөһим яңылыҡ!

Әгәр һеҙ килешеүҙе 15-енә тиклем төҙөһәгеҙ, ҡоро ҡатышмаларҙы һәм бутҡаларҙы шунда уҡ ала башлаясаҡһығыҙ. Әгәр унан һуң төҙөһәгеҙ - икенсе айҙан ала башлаясаҡһығыҙ. Йәки, ғариза менән 14 августа мөрәжәғәт итһәгеҙ, продукттарҙы тулы август айы өсөн аласаҡһығыҙ. Әгәр ғаризаны 16 августа бирһәгеҙ, һөтлө ризыҡтарҙы сентябрҙән генә алырға хоҡуҡлыһығыҙ.

Һорауҙар ҡалған осраҡта ҡайҙа мөрәжәғәт итергә?

«Һөт кухняһы» ДАУ-на. Телефон 7 (347)246-55-01. [email protected] электрон почтаһы.

Фото:bashnews.ru

Читайте нас:

Телефон

8(34763) 320392

Электрон почта

[email protected]

Адресы

453260, Республика Башкортостан, г. Салават, пр. Нефтяников, 29

Реклама хеҙмәте

8(34763) 320392

Редакция

8(34763) 320392

Ҡабул итеү бүлмәһе

8(34763) 320392

Хеҙмәттәшлек

8(34763) 320392

Кадрҙар бүлеге

8(34763) 327714