Эҫелектән һаҡланығыҙ!

Башҡортостандың ғәҙәттән тыш хәлдәр министрлығы аномаль эҫелек тураһында иҫкәртә.

Башҡортостанда хәүефле күренештәр фаразлана. Республика Ғәҙәттән тыш хәлдәр министрлығы мәғлүмәте буйынса, 15 июлдә республикала 38-40 градус эҫелек, күпселек райондарҙа аномаль эҫе һауа торошо көтөлә, республиканың көньяғында ғәҙәттән тыш класлы янғын хәүефе һаҡлана.

Тәүлек дауамында аяҙлы-болотло булыуы фаразлана. Яуым-төшөмһөҙ. Ел көньяҡ-көнсығыштан, көньяҡтан секундына 2-7 метр, көндөҙ көсәйеүсән. Һауа температураһы төндә 19-24 градус, урыны менән 14-кә тиклем, көндөҙ 34-37, урыны менән 38-40 градус эҫе. Автомобиль юлдарында күреү мөмкинлеге һәйбәт.

"Башинформ" мәғлүмәт агентлығынан алынды. https://www.bashinform.ru/news/1472752-mchs-bashkirii-preduprezhdaet-grazhdan-ob-anomalnoy-zhare/

Фото: Ксения Калинина