Яман шеш ауырыуҙарын дауалау сифатын күтәрәсәк

Башҡортостан һаулыҡ һаҡлау министрлығының республика клиник онкология диспансеры ультрауышлы аспиратор-деструктор менән тәьмин ителде. Аппарат «Һаулыҡ һаҡлау» милли проекты һәм «Онкологик ауырыуҙарға ҡаршы көрәш» төбәк проекты сиктәрендә һатып алынған.

Был медицина ҡоролмаһы - онкологик хирургия практикаһында ҡулланылыусы мотлаҡ яйланмаларҙың береһе. Уның ярҙамында операциялар, аҙ ҡан юғалтыу һәм сәләмәт орган туҡымаһына минималь зыян менән башҡарыла. Онкологтар әйтеүенсә, был яңы медицина йыһазы яман шеш ауырыуҙарын хирургик дауалау сифатын һиҙелерлек күтәрәсәк.
#миллипроекттар