Банка эсендә бешкән тауыҡ

Тиҙ бешә торған тауыҡ ите, картуф, һуған, кишер, тоҙ, борос, һарымһаҡ кәрәк.
3 литрлы банканы (сатнамаған, бөтөн булһын) алабыҙ һәм йыуып ҡоротабыҙ. Тауыҡты уртаса ҙурлыҡтағы киҫәктәрргә бүләбеҙ. Картуфты, һуғанды, кишерҙе турарға кәрәк. Барыһын бергә тоҙ, борос, бер аҙ ҡырғыстан ҡырылған һарымһаҡ һалып бутайбыҙ. Аҙаҡ әҙер ҡатнашманы банка эсенә ныҡ тултырмай ғына һалабыҙ ҙа дүрткә бөкләнгән фольга менән ҡаплайбыҙ. Банканы табаға ултыртабыҙ һәм һалҡын духовкаға ҡуябыҙ. Уны 180 градусҡа ҡуйып. сәғәт ярым тирәһе бешерәбеҙ. Духовканы һүндергәс тә банканы шунда уҡ алырға ярамай, сатнауы ихтимал. Үҙ һутында бешкән тауыҡ итенә йәшел тәмләткес үләндәр һибеп табынға бирегеҙ.