Яҡшы музыка ҡоралдары алына

Республикала «Мәҙәниәт» милли проекты сиктәрендә музыка мәктәптәре һәм колледждары музыка ҡоралдары менән тәьмин ителә. Улар араһында рояль, баян, пианино кеүек профессиональ музыка ҡоралдары бар.

Владимир Путиндың май указдарына ярашлы «Мәҙәниәт» милли проектының төп йүнәлештерең береһе - республиканың музыка мәктәптәрен музыка ҡоралдары менән йыһазландырыу. Был сараларҙы тормошҡа ашырыу буйынса Башҡортостан Иҙел буйы федераль округында лидерҙар иҫәбендә. Мәҙәниәт министры Әминә Шафиҡова белдереүенсә, 14 сәнғәт мәктәбе һәм 3 колледжға 457 музыка ҡоралы, 1152 ҡоролма, 1922 уҡыу-уҡытыу материалдары ҡайтарыласаҡ.
Музыка ҡоралдары араһында хаҡы 9,64 млн һумлыҡ C. Bechstein D рояле, 950 мең һумлыҡ «Юпитер-2» баяндары, 600-ҙән алып 900 мең һумға тиклемге «Кайзерберг», «Каваи», «Михаил Глинка» пианинолар бар.
#милли проекттар