Зинира менән Ризат та буш ятмаған

Яратҡан йырсыларыбыҙ Зинира һәм Ризат Рамаҙановтар ҙа тик ятмаған бит! Эйе, был хаҡта улар үҙҙәре хәбәр иткән.

"Донъя хәлен белеп булмай тип, тыуған яғым Сабала атай-әсәйҙәргә бер айлыҡ 60 бройлер, Зинираның тыуған яғы Башҡортостанда 40 бройлер алып бирҙек. Спонсорҙарыбыҙ - атай-әсәй һәм аҙбарҙағы үгеҙ, тип сәхнәлә көлөп һөйләй инек. Ысынында, Башҡортостанда һәм Сабала үҙебеҙ алып биргән үгеҙҙәр бар. Көҙ һуйғас, аҡсаһы буласаҡ, Алла бойорһа. Шуларҙы ҡараныҡ, себештәрҙе үҫтерҙек, ашлыҡ менән дә булыштым", - тип һөйләне Ризат.

Коронавирус ваҡытында Рамаҙановтарҙың тағы бер һөнәре барлыҡҡа килгән - бәлеш бешерергә өйрәнгәндәр. "Гел гастролдә йөрөгәс, духовканы һирәк ҡабыҙа инек. Ҡамыр ризыҡтары бешереп рәхәтләндек", - ти йырсы.

"Ҡыҙығыҙ Айгизәгә иптәш яһайһығыҙмы һуң?" тигән һорауға йырсылар: "Тырыштыҡ, һөҙөмтәһен көтәбеҙ", - тип яуап бирҙе. Хәйерле сәғәттә булһын!

Фото: Vk.com