Бәшмәкле, тауыҡлы салат

1 тауыҡ түшкәһе(тауыҡ бото ла ярай), 1 банка маринадланған шампиньон бәшмәге,3-4 йомортҡа, 3 тоҙло ҡыяр, майонез, укроп кәрәк.

Тауыҡ итен һыуҙа бешереп алырға, һөйөктәренән айырырға һәм һаламлап турарға. Бәшмәктәрҙе турап, табала әҙ генә көнбағыш майына һалып ҡыҙҙырып алырға. Бешкән йомортҡаны, тоҙло ҡыярҙы шулай уҡ һаламлап турарға. Барыһын да бер һауытҡа һалғас, майонез һалып бутарға. Өҫтөнә укроп һибеп бирергә.