Башҡортостанда ете дауахана коронавирус буйынса карантинға ябылды

Республика Һаулыҡ һаҡлау министрлығында яңы коронавирус инфекцияһы буйынса карантинға ябылған дауаханалар тураһында әйтелде. Ведомство етәксеһе урынбаҫары Ирина Кононова хәбәр итеүенсә, бөгөн ете медицина учреждениеһында сикләү саралары ғәмәлдә.

«Улар – Бишбүләк үҙәк район дауаханаһы, Өфөнөң 13-сө дауаханаһы (8 бүлексә). 1 июндән Республика ашығыс медицина ярҙамы станцияһы, Үрге Тәтешле үҙәк район дауаханаһы, «Медсервис» яуаплылығы сикләнгән йәмғиәте, Архангел һәм Бөрө үҙәк район дауаханаһы карантинға ябылды», — тине Башҡортостан һаулыҡ һаҡлау министры урынбаҫары.

Бынан алда «Башинформ» агентлығы республикала 18 июнгә 4 730 кешелә COVID-19 диагнозы раҫланыуы, 2 182-һенең һауығыуы, 18-енең вафат булыуы тураһында хәбәр иткәйне.

https://www.bashinform.ru/news/1463365-v-bashkirii-na-karantin-po-koronavirusu-po-prezhnemu-zakryty-sem-bolnits-/