“Салауат вариҫтары” акцияһына ҡушыл

Ҡала халҡы милли батырыбыҙ Салауат Юлаевтың тыуыуының 266 йыллығы уңайынан уҙғарылған акцияла ҡатнашырға саҡырыла. “Салауат вариҫтары” тип аталған сараны Бөтә донъя башҡорттары ҡоролтайының Салауат башҡарма комитеты һәм ҡала хакимиәтенең мәҙәниәт бүлеге ойоштора.

Ҡала халҡында Тыуған илебеҙгә ҡарата патриотик һөйөү уятыу, тыуған еребеҙҙең тарихына һәм мәҙәни мираҫына һаҡсыл ҡараш булдырыу маҡсаты менән уҙғарылған акция 27 майҙа башлынып 16 июнгә тиклем бара. Унда теләгән һәр кем ҡатнаша ала. Акцияға ҡушылыу өсөн “Салауат эҙҙәре буйлап” темаһына ҡалалағы милли батырыбыҙға арналған барлыҡ объекттар (һәйкәл, стела һ.б. урындар) янында фотоға төшөргә, йәки Салауат Юлаевтың шиғырҙарын, батырға бағышланған төрлө жанрҙарҙағы әҫәрҙәрҙе һөйләп видео төшөрөү талап ителә. Һуңынан Бәйләнештә социаль селтәрендәhttps://vk.com/club141432023 төркөмөнә ҡушылып,#салаватюлаев#наследникисалавата#культурасалавата#последамсалавата хештегтары менән фотоларҙы, видеоларҙы һалырға кәрәк. Уларҙың аҫтына исем-шәрифтәрегеҙҙе яҙырға (уҡыусылар белем алған учреждениеларын билдәләргә тейеш) һәм һылтанмаһын мәҙәниәт бүлегенең электрон почтаһына ([email protected]) ебәрергә онотмағыҙ.