Салауатта 59 кеше коронавирус менән сирләй

Башҡортостандың Роспотребнадзор идаралығы республиканың ҡайһы ҡала һәм райондарында яңы коронавирус инфекцияһы менән сирлеләр күберәк булыуы хаҡында хәбәр итте. Мәғлүмәттәр 19 майға иртәнге сәғәт 9-ға бирелгән.

COVID-19 раҫланған осраҡтар һаны буйынса беренсе урында Өфө – 733 осраҡ (тәүлек эсендә +18), икенсе урында – Нефтекама – 262 осраҡ (тәүлек эсендә бер яңы осраҡ та юҡ), өсөнсөлә – Бәләбәй – 95 осраҡ (тәүлек эсендә +1). Артабан Өфө районы килә – 77 (бер тәүлектә +2), Стәрлетамаҡ – 68 (бер тәүлектә +1), Салауат – 59, Күмертау – 58 (+4), Салауат районы – 54 (бер тәүлектә +49, сир Тажикстандан һәм Үзбәкстандан килгән мигранттар араһында таралған тип билдәләнә), Тәтешле районы – 46 һәм Октябрьский ҡалаһы – 39.

Башҡортостандың Роспотребнадзор идаралығында белдереүҙәренсә, тәүлек эсендә үҫеш темпы 4,2 процент тәшкил иткән.