Фотоға төшәм тип

Яҡташыбыҙ Юлиә Хәбибуллина Берләшкән Ғәрәп Әмирлектәрендәге Фуджейра ҡалаһында 10 метр бейеклектәге ҡаянан ҡолап төшөп һәләк булған. Фажиғә 15 майҙа теркәлгән. Ҡыҙ профессиональ фото төшөрөү менән шөғөлләнгән булған. Ҡыҙҙың таныштары һәм яҡындары һүҙҙәренә ҡарағанда, әлеге фажиғә көнөндә Юлиә бер нисә фото эшләргә күҙаллай. Был эшен тамамлағас, яҡташыбыҙ таныштарынан үҙен дә фотоға төшөрөүҙе үтенә. Ул бейек ҡая ситенә килеп ултыра, тик үкенескә күрә, ҡапыл аҫҡа йығылып төшә.