Ришат Төхвәтуллин: "Тормошомда хыянат та булды"

"Үҙ ғүмеремдә миңә бик күп ауырлыҡтар, һынауҙар һәм хыянат аша үтергә тура килде. Бер миндә генә түгел инде бындай яҙмыш, күптәрҙеке шулайҙыр. Иң ауыр минуттарҙа бик зирәк кеше: "Аяҡ салыусылар күп булыр. Бер ҡасан да үҙеңдән һәм башҡаларҙан өмөтөңдө өҙмә! Таш атҡанға аш менән яуап ҡайтар", - тип кәңәш бирҙе.

Шул һүҙҙәрҙе иҫтә тотоп, мин әле лә үҙ юлымдан тайпылмайынса ныҡлы аҙымдар менән алға барам. Иң мөһиме - яратҡан, күңелемә яҡын эшем бар, һәм ихлас аяҡ салғандарға тик яҡшылыҡ теләйем! Береһенә лә асыу һаҡламайым", - тип яҙған йырсы.

Фото: Kunelradio.ru