Ғаиләгеҙҙең һәләтен күрһәтегеҙ!

15 май Халыҡ-ара Ғаилә көнөн билдәләү алдынан Республика халыҡ ижады үҙәге “Башҡортостандың һәләтле ғаиләләре” тигән флешмоб башлап ебәрә.
Был флешмобҡа, тормош мәшәҡәттәренә ҡарамайынса, халыҡ ижадына ваҡыт бүлергә лә онотмаған ижади һәм талантлы, социаль әүҙем ғаиләләр саҡырыла.
Әгер һеҙ йырға әүәҫһегеҙ, бейейһегеҙ, музыка ҡоралдарында бөтә ғаиләгеҙ менән уйнайһығыҙ, йәки берәй ҡул эше менән шөғәлләнәһегеҙ икән, сараға рәхим итегеҙ!
Бының өсөн ғаиләгеҙҙең талантын күрһәтеүсе видеороликтарығыҙҙы социаль селтәрҙәрҙә #талантливыесемьибашкортостана хэштегы менән урынлаштырығыҙ. Видеороликтарҙың дауамлылығы 4 минуттан артмаҫҡа тейеш.
Флешмоб 15 майға тиклем дауам итәсәк. ⠀