Диктант яҙҙыҡ, белемдәрҙе тикшерҙек

Бөгөн башҡорт теленән халыҡ-ара диктантты тәүге тапҡыр онлайн яҙҙыҡ. Сараны бындай форматта уҙғарырға бөтә донъялағы эпидемиологик хәл мәжбүр итте. Тура тапшырыу “БЮТ” телеканалы эфирында, шулай уҡ социаль селтәрҙәрҙә барҙы. Алтынсы тапҡыр уҙғарылған диктанты Башҡортостанда ғына түгел, башҡа төбәктәрҙә лә яҙҙылар. Әйткәндәй, Ҡаҙағстандан, Төркиәнән, Германиянан, Франциянан, Бөйөк Британиянан, АҠШ-тан һәм Канаданан белем һынап ҡарарға теләгәндәр булды. Теркәлеүселәр һаны ғына 91мең355 мең кеше тәшкил иткән. Беҙҙең ҡала ла акцияға әүҙем ҡушылды. мәғариф, мәҙәниәт хеҙмәткәрҙәре, йәмәғәт ойошмаһы вәкилдәре диктант яҙып ҡарап, белемдәрен һынаны. Был турала тулыраҡ гәзиттең киләһе һанында уҡығыҙ.