Ташламалар ҙа бөтөр, ахырыһы

Аҙыҡ-түлек магазиндарында ташламаларҙың бөтөүе ихтимал.

Рәсәйҙең ауыл хужалығы предприятиелары һәм аҙыҡ-түлек, эсемлек етештергән бер нисә ассоциацияһы ил властарынан өҫтәмә ярҙам саралары тураһында һораны, тип премьер-министр Михаил Мишустин исеменә хатҡа һылтанма менән хәбәр итте РИА Новости.

Был мөрәжәғәттең ысын булыуын «Союзмолоко», Алкоголһеҙ эсемлектәр һәм минераль һыуҙар етештереүселәр союзы, Ҡошсоларҙың милли союзы, «Союзроссахар» раҫланы.

Магазиндарҙа аҙыҡ-түлеккә ташлама яһауҙы тыйыу шундай ярҙам сараларының береһе булырға мөмкин.

«Союзмолоко» ойошмаһының генераль директоры Артем Белов әйтеүенсә, промоакциялар һатып алыусыларҙы күпләп йәлеп итә, ләкин етештереүселәрҙең килемлелеген кәметә. Хәҙер сығымдың артыуын иҫәпкә алғанда, промоакцияларҙы йыш үткәрмәҫкә кәрәк.

"Башинформ" мәғлүмәт агентлығы