Эшһеҙлек пособиеһы - 13 мең 949 һум

Бынан тыш, әгәр эшһеҙҙең ғаиләһендә бәлиғ булмаған балалар бар икән, улар ҙа һәр береһенә өс мең һум күләмендә өҫтәмә алырға тейеш. Был турала 9 апрелдә республика хөкүмәте ултырышында Башҡортостан хөкүмәте премьер-министры урынбаҫары, ғаилә, хеҙмәт һәм халыҡты социаль яҡлау министры Ленара Иванова белдерҙе.

Уның һүҙҙәренсә, әлеге ваҡытта 90 меңләгән бала ошо түләүгә дәғүә итә, әммә Владимир Путин әйткән төҙәтмәләрҙе иҫәпкә алып, уны алыусылар даирәһе күпкә артыуы мөмкин.

Ошо көндәрҙә закон проектының һәм ҡарарҙың баҫылып сығыуы көтөлә.

Башҡортостан башлығы Радий Хәбиров һүҙҙәренсә, ярҙам алыу өсөн мәшғүллек хеҙмәтенә иҫәпкә баҫырға кәрәк. Быны мәшғүллек хеҙмәте сайты аша эшләү бик мөһим.

Ленара Иванова әйтеүенсә, Башҡортостанда 1000 кеше ошо мөмкинлектән файҙаланған да инде.