Барыһы ла халыҡтың хәүефһеҙлеге хаҡына

Рәсәй коронавирусҡа бәйле хәлгә ҡарата адекват саралар күрергә мәжбүр, эске хәүефһеҙлекте тәьмин итеү мөһим, милли мәнфәғәттәрҙе тәьмин итеү өсөн тирә-яҡтағы хәлде анализлау кәрәк, тип белдерҙе ил президенты Владимир Путин РФ-тың Хәүефһеҙлек советының даими ағзалары менән ултырышында.
- Донъяла коронавирус инфекцияһының таралыуына, уның менән көрәшкә бәйле хәлдең үҙгәреп тороуын, уның нисек донъя иҡтисадына йоғонто яһауын, сәнәғәт предприятиеларының эшендә нисек сағылыш табыуын, транспорт, энергетика башҡа тармаҡтарҙың эше үҙгәреүен күрәбеҙ, - тине ул. - Һәм беҙ Рәсәйҙә килеп тыуған хәлгә бәйле адекват саралар ҡабул итергә мәжбүр.
Әммә бер нимә үҙгәрешһеҙ ҡалырға тейеш. Беҙ эске хәүефһеҙлекте тәьмин итергә һәм Рәсәйҙең милли мәнфәғәттәре ышаныслы һәм абсолют тәьмин ителһен өсөн беҙҙең тирәлә нимә барғанын иғтибар менән анализларға бурыслы.
#ВладимирПутин