Ут ялмап алмаһын

Башҡортостандың урмандарында май-июнь айҙарында ут сығыу хәүефе юғары.

Тап ошо айҙарҙа халыҡ тәбиғәт ҡосағына ял итергә ашыға, был иһә янғын сығыу хәүефен арттыра. Шул уҡ ваҡытта ошо осорҙа урмандарҙа рекреация эшмәкәрлеген алып барыу, ял итеү, туристик туҡталҡалар ҡороу һәм башҡа эшмәкәрлек дәүләт власы йәки урындағы үҙидара органдары менән килешеү нигеҙендә генә рөхсәт ителә.

Быйыл, ҡар күп булһа ла, ул тиҙ ирей, был урман янғындарының иртә башланыу хәүефен көсәйтә.

Урманда ут ҡабынмаһын өсөн ут яндырмаҫҡа, янған шырпыны, тәмәке төпсөгөн ырғытмаҫҡа, яланда, аҡланда үлән яндырмаҫҡа, йәш ылыҫлы ағастар араһында, торфлы һаҙлыҡта, ҡырҡындыларҙа, ҡоро үлән булған урындарҙа усаҡ яҡмаҫҡа. Ут яғырға тура килгәндә лә уны һуңынан тупраҡ менән күмеп йәки һыу һибеп, тулыһынса һүндерергә кәрәк.

Урман янғындарын күрһәгеҙ, Башҡортостан Урман хужалығының төбәк диспетчер хеҙмәтенә 8 (347) 218-14-14 телефонына йәки Урман һағының берҙәм федераль телефонына 8-800-100-94-00 шылтыратырға кәрәк, шулай уҡ ут сығанағын һүндереү буйынса мөмкин тиклем сара күрергә кәрәк. Шулай уҡ Google play, App Store, Windows Store аша “Урманды һаҡлағыҙ” мобиль ҡушымтаһын күсереп алып, урман һағы менән бәйләнешкә инергә мөмкин.

Һуңғы ике йылда “Экология” милли проекты сиктәрендә янғын һүндереү техникаһы һәм ҡорамалдары күпләп алына алыныуын. Әммә үҙебеҙгә лә һаҡланыу ҡағиҙәләрен үтәргә кәрәк.

#Миллипроекттар