Башҡортостан юлдаш телеканалында - «Нуленсе дәрес»

Көн һайын иртәнге сәғәт 10-да эфирға сыға башлаясаҡ «биш минутлыҡтар»ҙа ғалимдар, профессорҙар, билдәле шәхестәр мәктәп программаһына бәйле ҡыҙыҡлы хәл-ваҡиғалар тураһында һөйләйәсәк.
Телепроекттың маҡсаты – теүәл сәғәт иртәнге 10-да тотош республика балаларын, ата-әсәләрҙе уятып, «нуленсе дәрес»те ҡаратыу һәм артабан онлайн уҡытыуҙы башлау. Йәғни, был дәресте дөйөм республика ҡыңғырауы тип аңларға кәрәк. «Нуленсе дәрес» карантин бөтөп, мәктәптәрҙә дәрестәр тергеҙелгәнгә тиклем дауам итә. Тәүге дәресте Башҡортостан башлығы Радий Хәбиров үткәрер тип көтөлә.