Владимир Путин да даими рәүештә коронавирусҡа тест үтә

Рәсәй Президенты Владимир Путин коронавирусҡа даими рәүештә тест үтә, уның барыһы ла һәйбәт, тип белдерә Рәсәй лидерының матбуғат секретары Дмитрий Песков Коммунаркалағы инфекция дауаханаһының баш табибы Денис Проценконың да коронавирус йоҡтороуы билдәле булғас. Ә бер аҙна элек Путин Коммунаркалағы дауаханаға барҙы һәм уның менән аралашҡайны.

Мәскәүҙең Коммунаркаһында урынлашҡан инфекция дауаханаһы коронавируслы пациенттарҙы ҡабул итә. 24 мартта ил башлығы көтөлмәгәндә дауаханаға килергә ҡарар итә. Унда ул ҡабул итеү бүлеген ҡараны, баш табип һәм персонал менән аралашты. Унан алда президент коронавирус менән көрәш һорауҙары буйынса кәңәшмә уҙғарҙы. Докладтарҙы һәм Мәскәү мэры Сергей Собяниндың яңы дауахананы, уны ҡасан төҙөйәсәктәрен вертолеттан ҡарау тәҡдимен тыңлағандан һуң, дәүләт башлығы әлеге ваҡытта ошо йүнәлештә эшләүсе дауалау учреждениеһына барып күрергә ҡарар ҡабул итә.
«Ул даими тест үтә. Барыһы ла һәйбәт», - ти Дмитрий Песков.
#ВладимирПутин