Соҡор-саҡыр юлдар юғалыр

Ҡалала юлдар ремонтлана башланы. Әйтәйек, кисә, 26 мартта, Губкин урамындағы, Калинин урамынан С. Юлаев бульварына тиклемге өлөштә ҡайнар асфальт түшәй башланылар. Дөрөҫөн әйтергә кәрәк, юлдар торошо бында бик мөшкөл хәлдә ине.

- Ҡала халҡы ла тап ошо урында юлдарҙың бик насар булыуына зарланып мөрәжәғәт итте. Шуға эштәрҙе ошонан башларға булдыҡ. Тәүҙә иҫке ҡатлам аҡтарып алынды, таҙартылды, ҡыҫҡаһы, ентекле итеп әҙерләнде. Шунан һуң ғына асмфальтлауға тотондо эшселәр. Апрелдә ремонт эштәре тағы ла ҡыҙыулана төшәсәк. Төньяҡ, Ленинград, Беренсе май урамдары һәм башҡа урамдарҙа юлдарҙы ремонтлау планлаштырыла, - тип һөйләй ҡала хужалығы идаралығының юл хужалығы һәм төҙөкләндереү бүлеге начальнигы Айҙар Әхмәтвәлиев.