“Беҙҙең йылға буйы иң йәмлеһе”

Ошолай тип әйтергә тура килһен киләсәктә. Барыбыҙға ла билдәле булыуынса, “Уңайлы ҡала мөхите” программаһы сиктәрендә йыл да ҡалала йәмәғәт урындары төҙөкләндерелә. Быйыл халыҡ фекеренә таянып, Ағиҙел буйын рәткә килтереү проекты һайланды.
Ошо көндәрҙә ҡала етәкселеге йәмәғәтселек вәкилдәре менән берлектә урынға барып, проект буйынса фекер алышты. Иң мөһиме йылға буйында тәбиғәт биргән матурлыҡ та һаҡланырға, шул уҡ ваҡытта кешеләргә ял иеү өсөн бар уңайлыҡтар булдырылырға тейеш булыуы һыҙыҡ өҫтөнә алына. Иң тәүҙә йылға яры таҙартыласаҡ, велосипедта йөрөү юлдары һалынасаҡ, балалар өсөн уйын майҙансыҡтары төҙөләсәк. Быға тиклем ҡуйылған спорт майҙансығын һаҡлау һәм уны тағы яҡшыртыу күҙаллана. Бынан тыш, пейнтбол, скейт майҙансыҡтары, кафе, йәйәүләп йөрөү урындары, машина туҡталҡалары булдырыу ҡаралған. Маршрут автобустарын ебәреү ҙә планға ингән. Яҡтыртыу һәм видеокүҙәтеү ҡоролмаларын ҡуйыу ҙа мотлаҡ иҫәпкә алынған.
Эштәрҙе майҙа башлау планлаштырыла.