Күп кеше ҡатнашҡан саралар үткрелмәйәсәк

Бөгөн Хөкүмәттә үткән оператив кәңәшмә бөтә донъя өсөн көнүҙәк булған мәсьәләне тикшереүҙән башланды. Ул – коронавирус. Башҡортостан Башлығы Радий Хәбиров республика биләмәһендә вирус таралмаһын өсөн күреләсәк саралар тураһында бойороҡҡа ҡул ҡуйҙы.

Тәүҙә шуны билдәләргә кәрәк – бөгөн республикала был сир менән ауырыған бер генә кеше лә юҡ. Был йәһәттән Радий Хәбиров тик дөрөҫ һәм тикшерелгән мәғлүмәт кенә бирергә ҡушты.

Башҡортостан Башлығы ҡул ҡуйған бойороҡҡа ярашлы, бик күп саралар билдәләнде. Мәҫәлән, бөгөндән алып 20 апрелгә тиклем республикала меңдән ашыу кеше ҡатнашҡан мәҙәни, спорт, эшлекле саралар үткәрелмәйәсәк.

- Документҡа 20 апрелгә тиклем тип ҡул ҡуйҙыҡ. Тик уның ваҡыты хәлдәргә ҡарап үҙгәреүе ихтимал. Йә оҙайтыласаҡ, йә кәметеләсәк. Әлегә ошолай, - тине Радий Хәбиров.

Автор: Альфия Мингалиева ("Башҡортостан" гәзитенән) https://bash.rbsmi.ru/articles/kh-ef-e-lek/K-p-keshe-atnash-an-saralar-tkrelm-y-s-k-166455/