Илһөйә Бәҙретдинова кемдәрҙе һәм ни өсөн ҡара исемлеккә индергән

Күптән түгел Илһөйә Бәҙретдинова түҙер хәле ҡалмағас, инстаграмда таныш булмаған кешеләрен мөрәжәғәт итте.
“Үҙенең яҙмаһында ул вацапта ебәрелгән фото һәм видеолар темаһын күтәрә. “Һәр көн иртән тороуыма вацапҡа “Хәйерле иртә”, “Матур көндәр”, “Сәйең тәмле булһын” кеүек аллы-гөллө, сәскәле 100 төрлө һүрәт килгән була... Артабан көнө буйына тағын йыйын килде-китте... Бөгөн шаҡтай контакттар “ҡара списокка” урынлаштырылды. Башыма әҙ генә булһа ла еңел булып китте. Кәрәк хәбәрҙер тип телефон һыҙғырған һайын йүгереп барам. Ә унда ауыҙына сәскә ҡапҡан сепей рәсеме.
Иртәләрем хәйерле, көндәрем матур, сәйҙәрем тәмле булһын өсөн... Башымдың тыныс булыуы кәрәк, ҡәҙерлеләрем!
Һеҙҙә лә шундай контакттар бармы ул?” - тип һорай аптырап артист.
“Эй, дөрөҫ әйтәһең дә инде, таңдан башлана, ятҡансы дауам итә, нисек иренмәйҙәр, барып ҡулдарын төйәһе килә”, “Ысынлап та туйҙыра башланы инде ул вацап”, “йәнем һөймәй шундай открытка, видеоларҙы”, - тип фекерен белдергән уның яҙылыусылары.