РФ-тың яңы Йәмәғәт палатаһы составына кандидаттар һайлап алынды

Рәсәй Президенты Владимир Путин РФ-тың яңы Йәмәғәт палатаһы составына индереү өсөн 40 кандидатты билдәләне.
Бөтә кандидаттарҙың да дәүләт һәм йәмәғәт алдында айырым ҡаҙаныштары бар. Яртыһынан күберәге күп кешеләрҙең мәнфәғәттәрен яҡлаусы һөнәри һәм ижади берекмәләр һәм башҡа төрлө ойошмалар вәкилдәре булып тора.
- Яңы Йәмәғәт палатаһы составын булдырыу процедураһына башланғыс бирелгән көндән алып 30 көндән дә ҡалмай Рәсәй Федерацияһы субъекттарының йәмәғәт палаталары үҙ составынан Рәсәй Федерацияһы Йәмәғәт палатаһы составына берәр кеше һайлай, тиелә Кремлдең хәбәрнамәһендә.
#ВладимирПутин