Ҡан әйләнеше сирҙәре алда килә

Башҡортостандың Һаулыҡ һаҡлау министрлығында 2019 йылда республика халҡына диспансеризация үткәреүгә йомғаҡ яһалды. Республикала йәшәүселәр нимә менән сирләй?
Оло йәштәгеләрҙән бөтәһе 765 163 кеше диспансеризацияның беренсе этабын үткән.Һөҙөмтәләр буйынса 78 509 ауырыу осрағы асыҡланған. Шуларҙан тәүге урында - ҡан әйләнеше сирҙәре (21,5 мең осраҡ), икенсе урында - эндокрин системаһы ауырыуҙары (15 меңдән ашыу осраҡ), өсөнсөлә - нервы системаһы сирҙәре (6,8 мең осраҡ).
Пациенттарҙа тәүгә 18 туберкулез, 593 яман шеш, 1 496 шәкәр диабеты, 12 750 юғары ҡан баҫымына бәйле ауырыу, 1 757 йөрәктең ишемия сире осрағы асыҡланған.