“Еңеү салюты” саҡыра

Башҡортостандың ҡала һәм райондарында “Еңеү салюты” республика халыҡ ижады фестивале гөрләп дауам итә. Был сараға, Рәсәй Президентының “1941 - 1945 йылдарҙағы Бөйөк Ватан һуғышында Еңеүҙең 75 йыллығын байрам итеүгә әҙерлек һәм үткәреү тураһында”ғы Указына ярашлы, былтыр май айында старт бирелгәйне.

Әлеге көндә конкурстың икенсе – зона этабы бара. Бөгөн Өфөләге Ҡала мәҙәниәт һарайында Өфө, Нуриман, Иглин, Кушнаренко, Благовещен райондары һәм баш ҡала һәүәҫкәрҙәренең тәүге этапта еңеү яулаған сығыштары тәҡдим ителергә тейеш ине. Киҙеүгә бәйле иғлан ителгән карантин арҡаһында сара 26 февралгә күсерелде. Әйткәндәй, халыҡ таланттарының бай йөкмәткеле концерттарын теләге булған һәр кем тамаша ҡыла ала: инеү бушлай.

“Еңеү салюты” фестиваленең йомғаҡлау этабы апрель айында ҙур концерт рәүешендә Өфө ҡалаһында үтәсәк.

Фото: БР Мәҙәниәт министрлығынан.

Автор: Гөлдәр Яҡшығолова ("Башҡортостан" гәзитенән) https://bash.rbsmi.ru/articles/b-y-k-e-e-g-75/E-e-salyuti-sa-ira-122531/