газета "Салауат"
-20 °С
Болотло
Бөтә яңылыҡтар
Новости
6 Февраль 2020, 10:45

Дарыуханаларҙа хаҡ күтәрелеүгә юл ҡуйылмаҫҡа тейеш

Рәсәй Президенты Владимир Путин хөкүмәт менән кәңәшмәлә коронавирус эпидемияһы ваҡытында һаҡланыу сараларына һәм препараттарына хаҡтарҙы күтәреүсе компанияларҙың лицензияларын алырға ҡушты.

Рәсәй Президенты Владимир Путин хөкүмәт менән кәңәшмәлә коронавирус эпидемияһы ваҡытында һаҡланыу сараларына һәм препараттарына хаҡтарҙы күтәреүсе компанияларҙың лицензияларын алырға ҡушты.
- Уларҙың был эшмәкәрлеккә лицензияларын алырға кәрәк. Байырға уйлағандар. Бындай ойошмаларҙы асыҡларға һәм тейешле ҡарар ҡабул итергә кәрәк, - тине президент.
Дәүләт башлығы һүҙҙәренсә, илдә дарыуханалар селтәре киң, шуның өсөн хаҡ күтәреүсе ике-өс компанияны ябыу рәсәйҙәр өсөн кире йоғонто яһамаясаҡ.
Рәсәйҙә коронавирустың ике осрағы теркәлгән. Вице-премьер Татьяна Голикова хәбәр итеүенсә, уның таралыу хәүефе янамай.
Рәсәй премьер-министры Михаил Мишустин коронавирус инфекцияһына ҡаршы тороу буйынса милли планға ҡул ҡуйған. Ул 22 төрлө саранан тора.
#ВладимирПутин
Читайте нас: