Инвалид балаларға икенсе белем алыуға сикләү юҡҡа сығарыласаҡ

Рәсәй Президенты Владимир Путин хөкүмәттән һаулыҡ буйынса мөмкинлектәре сикләнгән балаларға икенсе белем алыуға сикләүҙе бөтөрөүҙе талап итте.
Шишәмбе көн Путин Череповецта йәмәғәтселек менән осрашыу уҙғарҙы. Дәүләт башлығына физик мөмкинлектәре сикләнгән балалар махсус коррекция мәктәптәрен тамамлағандан һуң һөнәри әҙерлек программаһы буйынса белем ала, әммә уларҙың федераль кимәлдә икенсе белем алыуға хоҡуғы сикләнгән булыуы тураһында әйттеләр. Йәмәғәтселәр был сикләүҙе юҡҡа сығарыуҙы һораны.
- Дөйөм алғанда беҙҙең әҙерлек системаһы һығылмалы булырға тейеш. Тағы бер тапҡыр ҡабатлайым, был хаҡта мин мөрәжәғәтнамәлә лә әйткәйнем, студенттарға икенсе-өсөнсө курстан икенсе һөнәргә уҡыуға күсеү мөмкинлеге бирелергә тейеш. Коллегалар был өлкәләге сикләүҙәрҙе бөтөрөү тураһында һүҙ алып барҙы. Һеҙ әйткән балаларға - етемдәр, һаулыҡ буйынса мөмкинлектәре сикләнгән балаларға ҡарата ла тәҡдимдәрҙе тормошҡа ашырырға кәрәк. Был сикләүҙәр бөтөрөлөргә тейеш. Мин хөкүмәткә быны иҫәпкә алырға һәм тейешле төҙәтмәләр индерергә тәҡдим итәм, - тине Владимир Путин.
#ВладимирПутин