Ильяс ҡайҙа йөрөгән?

Беҙҙең ҡалала 10 йәшлек малайҙың юғалыуы тураһында хәбәр иткәйнек инде. Һөйөнөслө хәбәр еткерергә ашығабыҙ - Ильяс табылған! Малай шәмбе юғала. Ул көнө буйы өйгә ҡайтмай. Ҡурҡыуға ҡалған ата-әсә полицияға мөрәжәғәт итә, шулай уҡ социаль селтәрҙәр аша ла эҙләй башлай. Бала икенсе көндө генә табыла. Иң мөһиме - ул иҫән-һау. Яҡындары хәбәр итеүенсә, әле ул өйҙә һәм уның менән барыһы ла яҡшы. Малайҙың ҡайҙа булыуы тураһында бер мәғлүмәт тә бирелмәй.