Федераль ҡаҙнанан аҡса нисек йәлеп ителә

30 ғинуарҙа Хөкүмәт йортонда республика Башлығы Радий Хәбиров Башҡортостанға федераль бюджет аҡсаһын йәлеп итеү мәсьәләләре буйынса кәңәшмә үткәрҙе.

Унда Рәсәй Федерацияһы Дәүләт Думаһы, Башҡортостан Республикаһы Дәүләт Йыйылышы – Ҡоролтай депутаттары, республика Хөкүмәте ағзалары ҡатнашты. Кәңәшмәлә Башҡортостандан Дәүләт Думаһы депутаттары етәкселек иткән сәнәғәтте, ауыл хужалығын, торлаҡ-коммуналь өлкәне, транспорт һәм юл инфраструктураһын, һанлы иҡтисадты, эшҡыуарлыҡты, һаулыҡ һаҡлауҙы, мәғарифты һәм фәнде, мәҙәниәтте, спортты, туризмды үҫтереүгә, демографик хәлде яҡшыртыуға, тирә-яҡ мөхитте һаҡлауға йүнәлтелгән милли проекттар һәм программалар нигеҙендә федераль аҡсаны йәлеп итеү буйынса эш төркөмдәренең эшмәкәрлек һөҙөмтәһе тикшерелде.

Фото: glavarb.ru