Путин Рәсәй халыҡтары телдәрен уҡытыуҙы камиллаштырырға ҡушты

Рәсәй Президенты Владимир Путин РФ хөкүмәтенә һәм төбәк башлыҡтарына Рәсәй халыҡтарының телдәрен уҡытыуҙы һәм ошо телдәрҙә әҙәби уҡыуҙы камиллаштырыу буйынса тәҡдимдәрен әҙерләргә ҡушты.
- Хөкүмәткә... Рәсәй Федерацияһы субъекттарының башҡарма властары менән берлектә Рәсәй Федерацияһы халыҡтары телдәрен уҡытыу һәм ошо телдәрҙә әҙәби уҡыу өлкәһендә мәктәпкәсә һәм башланғыс дөйөм белем биреү программаларын тормошҡа ашырыусы белем биреү ойошмаларының педагогик хеҙмәткәрҙәрен... әҙерләү системаһын камиллаштырыу буйынса тәҡдимдәрҙе әҙерләргә һәм тапшырырға, - тиелә Милли мөнәсәбәттәр буйынса совет ултырышы йомғаҡтары буйынса тапшырылған эштәр исемлегендә.
Был эште башҡарыу өсөн яуаплы итеп премьер-министр Михаил Мишустин, РФ субъекттары етәкселәре билдәләнгән һәм ул 2020 йылдың 1 авгусына тиклем атҡарылырға тейеш.
#ВладимирПутин