Ялған белешмә биргән сайттар ябыла

Өфө прокуратураһы ялған медицина белешмәһе һатыу тураһында мәғлүмәт биргән 18 интернет-сайтты япҡан, улар иҫәбендә дәүләт хеҙмәтенә инеү мөмкинлеген, автомобиль йөрөтөүгә хоҡуҡ биргәндәре лә, хатта наркологик диспансерҙан документ алыуҙы ойошторғандары ла бар. Был сайттарға һәр кешенең инә алыу мөмкинлеге булған һәм, кемлегенә ҡарамаҫтан, медицина белешмәһе ала алған.