Ауылда айыу ни эшләгән?

Иглин районының Еләкле ауылы буйлап айыу йөрөгән.

"Тиҙ арала балаларға һәм ата-әсәләргә әйтегеҙ: ауыл буйлап ҡоторған айыу йүгереп йөрөй. Һаҡ булығыҙ", - тип урындағы социаль селтәр төркөмдәрендә яҙҙып сыҡтылар.

Шаһиттар тайыштабанды ауылдың Күл һәм Некрасов урамдарында күргән. “Башинформ” мәғлүмәт агентлығы хәбәр итеүенсә, айыу ысынлап та, йөрөгән.

“Иглин районының ветеринария станцияһы республиканың Тәбиғәттән файҙаланыу һәм экология министрлығына мөрәжәғәт иткән. Айыуҙы тотоу һәм уның ҡоторғанмы-юҡмы икәнлеген асыҡлау өсөн уларҙан ярҙам кәрәк. Тикшереү үткәргәс кенә аныҡ әйтеп буласаҡ. Әле урында ветеринария станцияһы һәм министрлыҡтың дәүләт инспекторҙары эшләй”, - тиҙәр райондан.

Фото: "КП-УФа" сайтынан.