Башҡорт теле һәм әҙәбиәте буйынса олимпиада бара

Рәми Ғарипов исемендәге 1-се Башҡорт республика гимназия-интернатында VIII-XI класс уҡыусылары араһында башҡорт теле һәм әҙәбиәте буйынса төбәк-ара олимпиада бара. Башҡортостан мәғариф һәм фән министрлығынан белдереүҙәренсә, быйыл үткән йылдарға ҡарағанда олимпиадала ҡатнашыусылар күберәк, республикабыҙҙың ҡала һәм райондарынан тыш Силәбе, Ырымбур һәм Ҡурған өлкәһенән дә балалар килгән. Улар инша яҙа, башҡорт теле һәм әҙәбиәте буйынса тест һорауҙарына яуап бирә, викторина, тасуири уҡыу сараларында ҡатнаша.