“Һаулыҡ һаҡлау” милли проектына ярашлы республикала күп эштәр башҡарыла: яңы технологиялар, аппараттар, компьютерҙар табиптарға ярҙамға килде.
Әйтәйек, БДМУ клиникаһы табип-онкологы Илнур Солтанов сирҙе башланғыс стадияла операция яһап еңеп сығырға мөмкин, клиникала күп операциялар робот Да Винчи ҡоролмаһында эшләнә, тип белдерә. Һәр хирург өсөн робот-хирург ҡорамалында эшләү - оло мәртәбә. Лапароскопияның яңы алымын 3д форматта экран аша күҙәтергә мөмкин.
Хәҙер онкология сирҙәрен иртә осорҙа асыҡлаған медицина хеҙмәткәрҙәренә биш мең һум күләмендә премия ла тапшырыла башланы.