Янғын осраҡтары кәмей, әммә...

Республика Башлығы Радий Хәбиров социаль селтәрҙәге сәхифәһендә Яңы йыл каникулдарында былтырғы йыл менән сағыштырғанда янғын сығыу осраҡтарының 25 процентҡа кәмеүен билдәләй.

Республика Башлығы Радий Хәбиров социаль селтәрҙәге сәхифәһендә Яңы йыл каникулдарында былтырғы йыл менән сағыштырғанда янғын сығыу осраҡтарының 25 процентҡа кәмеүен билдәләй.

Башлыҡ фекеренсә, был - йыл дауамында башҡарылған даими эшмәкәрлек һөҙөмтәһе.

БР буйынса Ғәҙәттән тыш министрлығынан хәбәр итеүҙәренсә, йылдың тәүге аҙнаһында 137 янғын осрағы теркәлгән, 4 кеше һәләк булған. Ә былтырғы йылдың 10 көнөндә 500 янғын сыға һәм 22 кеше һәләк була.

Әлбиттә, был тынысланырға кәрәк тигәндә аңлатмай. Маҡсатлы эш дауам итергә тейеш.

Ҡыҙғанысҡа ҡаршы, “ҡыҙыл әтәс” “ҡотороуын” дауам итә.

Кисә төндә Благовар районының Иҫке Күсәрбай ауылында ағас йортта янғын сыға. Янғын һүндереүселәр “ҡыҙыл әтәсте” “ауыҙлыҡлағас” 79 йәшлек ҡатындың үле кәүҙәһен таба.

Янғын сәбәптәрен асыҡлау буйынса тикшереү эштәре бара.

Фото: БР буйынса Ғәҙәттән тыш министрлығынан.

Автор: Римма Султанова ("Башҡортостан" гәзитенән) https://bash.rbsmi.ru/articles/kh-ef-e-lek/Yan-in-osra-tari-k-mey--mm-67367/

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Телефон

8(34763) 320392

Электрон почта

[email protected]