Путин Нестеров музейын бер быуатлыҡ юбилейы менән ҡотланы

Рәсәй Президенты Владимир Путин М. В. Нестеров исемендәге Башҡортостан дәүләт сәнғәт музейы хеҙмәткәрҙәрен музейҙың 100 йыллыҡ юбилейы менән ҡотланы. Ил башлығының телеграммаһы Кремль сайтына һалынған.

"Музейҙы ойоштороуҙың сығанағында яҡташығыҙ - күренекле рәссам, энтузиаст һәм подвижник Михаил Васильевич Нестеров торған. Ул туған ҡалаһына уникаль ижади эштәр коллекцияһын - үҙенең дә, башҡа бик күп талантлы оҫталарҙың ижад емештәрен да бүләк иткән", - тип әйтелә ҡотлауҙа. Президент Нестеров йыйған коллекцияның "музейҙың иң бай экспозицияһы нигеҙен" тәшкил итеүен дә һыҙыҡ өҫтөнә ала.

Уның һүҙҙәренсә, әлеге түңәрәк дата - Өфө һәм бөтә Башҡортостандың мәҙәни тормошонда әһәмиәтле ваҡиға."Бик күп быуын хеҙмәткәрҙәрҙең иҫ киткес һөнәри традицияларға тоғро булыуы һәм юғары компетентлыҡ һөҙөмтәһендә музей сәнғәткә баһа биреүселәрҙең лайыҡлы рәүештә танылыуына иреште, ә уның фондтары яңы, ҡыҙыҡлы экспонаттар менән үҫә", - ти Владимир Путин.

Ил Башлығы учреждение коллективына һөнәри ҡаҙаныштар, мәҙәни, художество һәм тарихи мираҫты һаҡлауҙа уңыштар теләгән.