Хайуандарға ла - ашығыс ярҙам

Баш ҡала ветеринар станцияһында ашығыс ярҙам хеҙмәте үҙ эшен башланы. Яңы йылдан ветеринарҙар тәүлек әйләнәһенә эшләй. Быға тиклем хеҙмәтте алдан яҙылыу буйынса көндөҙ генә ярҙамға саҡырырға мөмкин ине. Бының өсөн махсус автомобиль һәм кәрәкле йыһаздар бар.Тәҙрәнән осоп төшкән, йәрәхәтләнгән, автомобиль аҫтына эләккән һәм башҡа көтөлмәгән бәләгә тарыған йорт хайуандарына ветеринарҙар ярҙам урында күрһәтеләсәк.