Йәш ғүмеркәйҙәре бигерәк йәл...

Яңы йыл байрамы алдынан, 30 декабрҙә, Баймаҡта йәшәүсе 17 йәшлек үҫмер һәләк була. Тикшереүҙәрҙән күренеүенсә, егет болгарка ҡабыҙып ҡарарға була. Шул ваҡыт уның дискыһы ҡоролманан сығып осоп, егеттең муйынына килеп тейә. Ҡанға батҡан егет әсәһенең ҡулында йән бирә. Әсәһе уны яңғыҙы ғына тәрбиәләгән. Уҡытыусылары егетте тик яҡшы яҡтан ғына ҡылыҡһырлай. Ул яҡшы уҡыған, олимпиадаларҙа призлы урындар яулаған булған. Кемгәлер - байрам, кемгәлер ҡайғы. Күтәреп булмаҫлыҡ ҡайғыларҙы еңергә әсәгә Хоҙай Тәғәлә көс бирһен инде.