Иртәгә алкоголь һатыу тыйыла

Был сикләү көн буйы буласаҡ. “Статистика буйынса, тап 3 ғинуарҙа алкоголдән ағыуланыуҙың иң күп осрағы теркәлә, – тип белдергән Башҡортостан Дәүләт Йыйылышы – Ҡоролтай рәйесе Константин Толкачев. – Өҫтәүенә ағыуланыуҙар тәү ҡарамаҡҡа суррогат продукция һөҙөмтәһендә генә түгел, ә алкоголде кәрәгенән артыҡ файҙаланыу сәбәпле килеп сыға”.

4, 5 һәм 6 ғинуарҙа был сикләүҙәр көсөндә буласаҡ, әммә сәғәт иртәнге 10-дан төшкө 14.00 сәғәткә тиклем алкоголь продукцияһын һатып алырға мөмкин. Шулай тиелгән республикала ҡабул ителгән яңы законда. Шулай уҡ Башҡортостан спикеры, 4 – 6 ғинуарҙа алкоголь психозы һөҙөмтәһендә криминаль хәлдәр, үлем һәм суицид осраҡтары йыш теркәлә, тип белдергән.

3 ғинуарҙа алкоголь һатыуҙы асыҡлау буйынса рейдтарға полицейскийҙар ғына түгел, ижтимағи эшмәкәрҙәр, хоҡуҡ яҡлаусылар ҙа сығасаҡ.

Фото: “Башинформ".