Гранттар – иң алдынғыларға

Башҡортостан Башлығы Радий Хәбиров республиканың иң яҡшы ҡалалары һәм райондарын билдәләне. Йыл йомғаҡтарына арналған оператив кәңәшмәлә ул еңеүселәрҙең исемдәрен атап, уларға биш миллион һум күләмендә гранттар тапшырыласағын белдерҙе.

Рейтинг бер нисә категорияға бүленгән. “Халыҡ менән иң яҡшы аралашыусы” номинацияһында Өфө ҡалаһында Октябрьский районы еңеүсе тип табылған. Алдынғылар рәтендә - Стәрлетамаҡ ҡалаһы, Иглин һәм Благовещен райондары. Ағиҙел ҡалаһы, Баймаҡ һәм Архангел райондары “Эшҡыуар менән диалог” номинацияһында еңеү яулаған. “Таҙа муниципалитет”, ”Сәләмәт муниципалитет”, “Уңайлы ауыл” номинацияларында үҙҙәрен яҡшы яҡтан күрһәткән райондар ҙа гранттарға лайыҡ булды.

Фото:glavarb.ru