Айҙар Ғәлимов йәнә олатай булған

"Мәж" килеп Яңы йыл ҡаршыларға йөрөгәндә, Башҡортостандың халыҡ артисы Айҙар Ғәлимовтың ғаиләһендә ҡыуаныслы ваҡиға булған. Яратҡан йырсыбыҙ ошо көндә икенсегә олатай булыу бәхетенә өлгәшкән: Айҙар Ғәлимовтың өлкән ҡыҙы Гүзәлдең икенсе балаһы тыуған.

Артисты был ҡыуаныслы ваҡиға менән хеҙмәттәштәре, дуҫтары һәм фанаттары ҡотлай. “Ҡотлайбыҙ! Олатайҙар хәҙер шундай йәш, афарин! Күҙ теймәһен”, - тип яҙа кешеләр уны ҡотлап.

Ысынлап та, һаман йәш кенә кеүек тойолған артистың олатай булыуына ышаныуы ла ауыр шул.

Беҙ ҙә бәпескә һау булып үҫеүен теләйбеҙ! Ата-әсәһен, олатай-өләсәйҙәре ҡыуандырып ҡына торһон!

Автор: Альфия Мингалиева ("Башҡортостан" гәзитенән) https://bash.rbsmi.ru/articles/-bi-t-m-m-ni-t/Ay-ar--limov-y-n-olatay-bul-an-60615/