Владимир Путиндың властағы 20 йыллығына архив кадрҙары

20.kremlin.ru сайтында Владиимир Путиндың властағы 20 йыллығына арналған фотографиялар һәм видеороликтар архивын баҫтырып сығарғандар.
Унда танышыу өсөн 600 фото һәм 100 видео һалынған.
«Альбомға уҙған йылдарҙың иң сағыу һәм ҡыҙыҡлы фотографиялар һалынған. Уларҙың ҡайһы бер өлөшө бик яҡшы таныш, ҡайһы бер өлөшө онотолғандыр ҙа, ә ҡайһы берҙәре тәүгә баҫыла», - тип хәбәр ителә сайтта.
Билдәләнеүенсә, бөтә материалдарҙы ҡарап сығыу 2,5 сәғәт ваҡытты алыуы мөмкин.
Әлегә 2004 йылға тиклемге материалдар һалынған, бер нисә аҙна эсендә башҡа фото һәм видеояҙмалар һалынасаҡ.
Сайтта эшлекле ваҡиғалар ғына түгел, ил башлығының формаль булмаған мөхиттә төшкән: балыҡ тотҡандағы, дельфиндар менән йөҙгәндәге, спорт менән шөғөлләнгәндәге фотолары ла ҡуйылған.
#ВладимирПутин