Табиптар ял итмәйәсәк

Яңы йыл байрамдарында ҡала халҡы медицина ярҙамһыҙ ҡалмаясаҡ. Ҡала поликлиникаларында көн һайын иртәнге сәғәт 9-ҙан төшкө 1-гә тиклем педиатрҙар һәм терапевтар эшләйәсәк. 3 һәм 6 ғинуарҙан диагностика хеҙмәте һәм тар белгестәр үҙ бурыстары башҡарыуға тотонасаҡ. Ашығыс ярҙам һәм стационар хеҙмәткәрҙәре бөтә байрамдарҙа ла тәүлек әйләнәһенә ярҙам күрһәтә. Республиканың һаулыҡ һаҡлау министрлығынан хәбәр итеүҙәренсә, стационар бүлексәләрҙә пациенттарҙы дауалау өсөн резерв карауаттар, препараттар запасы булдырылған.