Балаларҙың сәләмәтлеген хәстәрләп

“Һаулыҡ һаҡлау” милли проекты сиктәрендәс республика балалар клиник дауаханаһына функциональ диагностикалау ҡорамалдары ҡайтарылған. Ул төрлө йәштәге балаларҙы ваҡытында һәм теүәл дауалау юлын билдәләргә ярҙам итә.

Поли-Спектр-СМ системаһы электрокардиограмманы һәм ҡан баҫымын тәүлек әйләнәһенә күҙәтеү өсөн тәғәйенләнгән, шулай уҡ йөрәк ритмы боҙолоуҙарын, ҡан йөрөшө һәләтен асыҡлай һәм тәүлек әйләнәһенә ҡан баҫымы эшмәкәрлеген күрһәтә. Поли-Спектр-8/ЕХ аппараты иһә йөрәк әүҙемлегенә бәйле барлыҡ операцияларҙы үткәрергә ярҙам итә. Ҡорамал тын алыш ритмын һәм йышлығын теркәй, мәғлүмәтте Bluetooth интерфейсы аша радиоканалға ебәрә.