Президент Ҡыҙыл майҙанда төндә хоккей уйнаны

Ил Президенты Владимир Путин Ҡыҙыл майҙанда шаршамбы көн башланған Яңы йыл алды хоккей лигаһында ҡатнашты. Дәүләт башлығы йола буйынса 11-се һан аҫтында сыҡты. Уның менән бергә ҡыҙыл төҫтәге командала оборона министры Сергей Шойгу, Ватан хоккейы легендалары Павел Буре, Валерий Каменский, Сергей Федоров, Алексей Касатонов һәм башҡалар уйнаны.
Ҡаршы команда аҡ формала сығыш яһаны. Уның составында Тула губернаторы Алексей Дюмен, бизнесмендар Геннадий Тиченко, Владимир Потанин һәм Роман Ротенберг, музыканттар Игорь Бутман, Подмосковье губернаторы Андрей Воробьев һәм башҡалар уйнаны.
Төнгө хоккей лигаһы матчы РФ Президенты сығыш яһаған команданың 8:5 иҫәбенә еңеүе менән тамамланды. Еңеүсе команда иҫәбендәге шайбыларҙың яртынан күберәген дәүләт башлығы индергән индергән.
#ВладимирПутин