Бәхет өсөн күп тә кәрәк түгел!

Салауатта бер ҡатын тау шыуғыстар һатып алған һәм балаларға файҙаланырға рөхсәт иткән. Был ҡатын ихаталарҙың береһендә ҙур йәшниккә төрлө төҫтәге тау шыуғыстар тултырып ҡуйған. Ә йәшниктең тышына былай тип яҙған:

«Ҡәҙерле малайҙар һәм ҡыҙҙар!

Был шыуғыстарҙы һеҙгә 4-се фатирҙағы Оля апайығыҙ һатып алған. Уларҙы бушлай алырға мөмкин, шыуып бөткәс, кире йәшниккә һалығыҙ. Шыуғыстар бөтәһе 10. Улар юғалып бөтмәһә, бик шат булырмын. Рәхәтләнеп шыуығыҙ!». Изгелек донъяны ҡотҡарыр тип юҡҡа әйтмәгәндәрҙер инде.