Мәҙәни үҙәк - ауылдың йәме

Республикала милли проекттар уңышлы бойомға ашырыла.

“Мәҙәниәт” милли проекты сиктәрендә Ҡырғыҙ-Миәкәлә яңыртылған мәҙәниәт һарайы үҙ ишектәрен асты.

Хәзер ул "Ғаилә мәҙәни үҙәге" тип атала.

Был учреждениеның маҡсаты - ғаилә традицияларын, халыҡтың социаль әүҙемлеген үҫтерү, кешеләрҙең ижади мөмкинлекләрен асыу.
Ғаилә мәҙәни үҙәгендә барлыҡ ғаилә ағзааларының бер юлы мәҙәни-мәғариф хеҙмәттәре комплексы алырға мөмкинлеге бар. Бының өсөн тейешле шарттар тыуҙырылған: балалар өсөн уйын бүлмәһе, психолог, логопед, дефектолог кабинеттары бар. Теләүселәр тренажер залында шөғөлләнә ала, кино һөйөүселәр өсөн кинозал эшләй.
Ғаилә үҙәген асыу өсөн ҙур эш башҡарырға тура килгән. Федераль һәм республика бюджеттарынан бүленгән аҡсаға түбәгә һәм алғы стенаға капиталь ремонт үткәрелгән, тәҙрәләр һәм бинаның йылытыу системаһы алыштырылған. Кабинеттарға, залға ла капиталь ремонт яһалған. Матди-техник база ла нығытылған.