Хоккей командаһын кем ағыулаған?

Учалы ҡалаһының «Горняк» хоккей клубы уйынсылары көслө йоғошло ауырыу менән дауаханаға эләккән. Был хаҡта клуб вәкилдәре рәсми сайттарында хәбәр итә.Спортсылар юғары хоккей лигаһының даими чемпионаты сиктәрендә Ростов командаһы менән уйын үткәрергә тейеш булған, әмма бөтә пландар емерелгән. "Команданың яртыһы система аҫтында ята" , - тип белдерәләр. Ағыуланыуҙың аныҡ ҡына сәбәптәре асыҡланмаған. «Горняк» хоккей клубы вәкилдәре фекеренсә, йәштәрҙең ризыҡтан ағыуланыуы ихтимал.

Көйәрмәндәр был хәлгә бигерәк көйәләнә. Уларҙың ҡайһы берәүҙәре хатта хоккейсыларҙы махсус ағыулағандар, тигән фекерҙә лә.